रंगेली, २४ कात्तिक । मोरङको रंगेलीमा खोलामा डुबेर दुई युवकको मृत्यु भएको छ । रंगेली–६ स्थित भन्सार टोलका सुरेस साहको घरमा छठ पर्व मनाउन पाहुना आएका दुई भारतीय युवकको स्थानीय बक्राह खोलामा डुबेर बुधबार मृत्यु भएको हो । मृत्यु हुनेमा भारतको मध्येपुरा जिल्ला सिंहेश्व थाना घर भएका २१ वर्षीय विट्टु साह र सोही ठाउँका १८ वर्षीय राजा साह छन् ।
छठ पूजाका लागि घाट बनाएर खोलामा नुहाउने क्रममा डुब्दा उनीहरुको मृत्यु भएको इलाका प्रहरी कार्यालय रंगेलीका प्रहरी निरिक्षक अनमोल खड्काले जानकारी दिए ।
प्रहरी निरिक्षक खड्काका अनुसार खोलामा नुहाउँदा डुबेर राजा बेपत्ता भएका थिए भने विट्टु साह घाइते भएका थिए । घाइते विट्टुको रंगेली अस्पतालमा उपचारका क्रममा मृत्यु भएको हो ।
खोलामा डुबेर बेपत्ता भएका राजालाई गोताखोरको टोलिले खोलाको ३० फिट मुनी बालुवामा गाडिएको अवस्थामा मृत अवस्थामा फेला पारेको हो । ससस्त्र प्रहरी बल नेपाल कंकालिनि गण मोरङको गोता टोलिले साँझ ५ बजे उनको शव निकालेको हो ।
नेपाल प्रहरी र ससस्त्र प्रहरी र स्थानीयले संयुक्तरूपमा वेपत्ता राजाको खोजि गरेपनि फेला नपरे पछि कंकालिनी गणको अक्सिजन सहितको गोता टोलीले पानीमा पसेर शव निकालेको थियोे ।
मृतक दुवै युवको शव पोष्माटमका लागि रंगेली अस्पतालमा राखिएको ईलाका प्रहरी कार्यालय रंगेलीका प्रहरी निरिक्षक खड्काले बताए ।
उनले घाट बनाएर नुहाउन जाने क्रममा खोलामा गहिराइ भएको र पौडी खेल्न नजान्ने भएकाले उनीहरु डुवेको बताए ।
