विराटनगर । रोटरी क्लब अफ विराटनगर डाउनटाउनले केक काटेर उत्सव मनाएको छ । वर्ष २०२२–२३ का पदाधिकारीहरुको कार्यकाल सुरु भएको अवसरमा उत्सव मनाइएको हो ।
रोटरी क्लब अफ विराटनगर डाउन टाउनमा महिला समाजसेवीहरु आवद्ध छन् । विभिन्न सामाजिक कार्य गर्दै आएको क्लबले शिक्षा, स्वास्थ्य र वातावरणका क्षेत्रमा काम गर्दै आएको छ ।
क्लबमा केक काट्दै फेलोसिप गरि महिला नेतृत्वको उत्सव मनाइएको अध्यक्ष रेखा राठीले जानकारी दिइन् । सो क्लब वर्ष २०२१–२२ को उत्कृष्ट क्लब बन्दै विभिन्न डेढ दर्जन अवार्ड जित्न सफल भएको थियो । क्लब उत्कृष्ट बन्न सफल भएकोमा रोटरी इन्टरनेशनलकी अध्यक्ष जेनिफर जोन्स र डाउनटाउनका पूर्व अध्यक्षहरु गैरवान्वीत भएका छन् ।
जेनिफर ११७ वर्षको रोटरी इतिहाँसमा पहिलो महिला अध्यक्ष हुन् । उनी वर्ष २०२२–२३ का लागि अध्यक्षमा चयन भएकी हुन् । रोटरी क्लब अफ विराटनगर डाउनटाउनका आठ जना पूर्व अध्यक्षहरु रोटरी इन्टरनेशलनको जोन र डिस्ट्रीक्टका १२ पदमा नियुक्त भएका छन् ।
उनीहरु सवैलाई क्लबले सम्मानसमेत गरेको छ । क्लबले चार्टर प्रेसिडेन्ट डा. ममता वर्मालाई पनि सम्मान गरिएको पब्लिक इमेज कमिटी चेयर सपना सिंघलले बताइन् ।सो अवसरमा क्लबका २३ जना पदाधिकारी र सदस्यहरुको उपस्थिती रहेको सचिव नमिता टिवडेवालले जानकारी दिइन् ।
