उत्तरी मोरङमा माओवादी आन्दोलनका संस्थापक मानिने नेता अर्जुन आचार्य ‘सौगात’ नेकपा एमालेमा खुलेका छन् । नेकपाका प्रदेश कमिटी सदस्य रहिसकेका सौगात एमाले – माओवादी अलग भएपछि कतै खुलेका थिएनन् ।
माओवादी प्रदेशसभाका उम्मेद्वार कुशल लिम्बूका सहयात्री समेत रहेका सौगात एमालेमा खुलेसंगै मिक्लाजुङ क्षेत्रमा माओवादीलाई धक्का पुगेको रुपमा हेरिएको छ । उनी मिक्लाजुङ ३ रतनपुरका बासिन्दा हुन् ।
उर्लाबारी ५ स्थित एमाले कार्यालयमा आचार्यले मोरङ क्षेत्र नम्बर १ का संघीय सांसद पदका उम्मेद्वार घनश्याम खतिवडालाई विजयी गराउन आफु सक्रिय रहने प्रतिबद्धता जनाए । माओवादी राष्ट्रिय राजनीतिमा विघटनको प्रक्रियामा रहेको जनाउदै देशमा दुईवटा ठूला कम्युनिष्ट पार्टी हुन जरुरी नभएको उनले बताए ।
माओवादीको आफ्नो एजेण्डा नभएकाले कांग्रेसको पुच्छर बनेको उल्लेख गर्दै आचार्यले भने, ‘आगामी निर्वाचनबाट ठगबन्धनलाई बिदाई गरे मात्रै मुलुकको समृद्धिको ढोका खुल्नेछ ।’
