विराटनगर, ११ फागुन । रोटरी क्लब अफ विराटनगर डाउनटाउनले विराटनगरमा शान्ति र्याली निकालेको छ । आज ११८औँ विश्व रोटरी दिवसको अवसरमा रोटरी क्लब अफ विराटनगर डाउनटाउनले र्याली निकालेको हो ।
विश्वमा शान्ति प्रवर्द्धनका लागि डाउनटाउनले अन्य चार रोटरी क्लब र विराटनगरका तीन वटा रोटर्याक्ट क्लबसँग संयुक्त रुपमा शान्ति र्याली आयोजना गरेको हो ।
२३ फेब्रुअरीलाई रोटरी दिवस विश्व मनाइने गरिन्छ । र्यालीमा ८० जना भन्दा बढी रोटरी क्लबका सदस्यहरु र रोटर्याक्ट सहभागी थिए । दिवसको अवसरमा आजै साँझ दिप प्रज्वलन समेत गरिएको रोटरी क्लब अफ विराटनगर डाउनटाउनकी अध्यक्ष रेखा राठीले जानकारी दिइन् ।
