विराटनगर । रंगेली नगरपालिकाका मेयर दिलिप बगडीया र प्रमुख प्रशासकिय अधिकृत तेजिन्द्र गौतमले शतप्रतिशत नतिजा दिनेगरी कार्य सम्पादन गर्न कर्मचारीहरुलाई निर्देशन दिएका छन् ।
केहीदिन प्रमुख प्रशासकिय अधिकृत नहुँदा नगरको काम सामान्यरुपमा प्रभावित भएपनि अब नयाँ प्रमुख प्रशासधिय अधिकृतको रुपमा गौतम आइसकेपछि सवै योजना तथा कार्यक्रमको शतप्रतिशत नतिजा र परिणामुखी काम गर्न मेयर बगडीयाले कर्मचारीहरुलाई निर्देशन दिएका हुन् ।
उनले सेवा प्रवाहमा ढिला सुस्ती नगर्नसमेत चेतावनी दिएका छन् । भर्खरै सरुवा भएर आएका प्रमुख प्रशासकिय अधिकृत गौतम पनि एक्सनमा उत्रिएका छन् । रंगेली नगरपालिकाले दिने सेवा प्रवाहलाई छिटो, छरितो, चुस्तदुरुस्त र प्रभावकारी बनाउन प्रमुख प्रशासकिय अधिकृत गौतम लागि परेका हुन् ।
उनले केहिदिन अघि मात्र जिम्मेवारी सम्हालेका हुन् । लगत्तै उनले नगरमा सञ्चालित योजनाहरुको कार्यप्रगतीको अवस्था बुझेर शत प्रतिशत नतिजा दिन सम्पूर्ण शाखाका कर्मचारीहरुलाई निर्देशन दिएका छन्।
प्रमुख प्रशासकिय अधिकृत गौतमले नगरमा सञ्चालित र चालु अस्थामा रहेका सवै योजनाहरु तोकिएकै समयमा सम्पन्न गर्न कर्मचारीहरुलाई निर्देशन दिएका हुन् । उनले यतिबेला नगरमा सञ्चालित र चालु अस्थामा रहेका योजनाहरुको अनुगमन गरिरहेका छन् ।
प्रमुख प्रशासकिय अधिकृत गौतमले नगरपालिका कार्यालय दक्षिण पट्टी निर्माण हुँदै गरेको कोल्ड स्टोर को अनुगमन गरेका छन् । उनले निर्माणस्थलमा पुगेर निर्माण हुँदै गरेको अत्याधुनिक कोल्ड स्टोरको अनुगमन गरेका हुन् ।
अनुमगन गर्दै प्रमुख प्रशासकिय अधिकृत गौतमले निर्माण कार्य तोकिएकै समयमा सम्पन्न गर्न ठेकेदार कम्पनीलाई निर्देशन दिएका छन् ।
सो कोल्ड स्टोर नगरपालिकाको ४६ लाख ८६ हजार, प्रदेश सरकारको शसर्त अनुदान ३ करोड र संघीय सरकार अन्तर्गतको कृषि पूर्वाधार विकास तथा कृषि यान्त्रीकरण प्रवद्र्धन केन्द्रको १ करोड ४ लाख गरि कुल ४ करोड ५० लाख ८६ हजार रुपैयाँको लागतमा निर्माण भइरहेको हो । त्यसैगरी नगरपालिकाकै लगानीमा निर्माण हुँदै गरेको सुविधा सम्पन्न सभाहलको समेत प्रमुख प्रशासकिय गौतमले निरिक्षणसमेत गरेका छन् ।
अनुगमनमा नगरपालिकाका योजना अधिकृत कृष्ण प्रसाद भट्टराईको पनि सहभागीता रहेको थियो । २०७४ सालको निर्वाचनमा पहिलो पटक निर्वाचित भएर मेयर बगडीया आएयता रंगेलीले विकासमा फड्को मारेको छ । यतिबेला रंगेली देशमै उदाहरणीय र नमुना नगरपालिकाको रुपमा विकास भएको छ । रंगेली नगरपालिका विकासमा तीब्र गतिमा अघि बढीरहेको छ ।
