रंगेली । सुनसरीको कोशी गाउँपालिका–७ हरिपुरबाट आज ३४० किलोग्राम (किलो) गाँजासहित एउटा ट्रक प्रहरीले नियन्त्रणमा लिएको छ।
गोप्य सूचनाको आधारमा जिल्ला प्रहरी कार्यालय सुनसरीबाट गएको टोलीले जाँच गर्दा सो परिमाणको गाँजासहित ट्रक नियन्त्रणमा लिएको प्रहरी उपरीक्षक राजाराम तिम्सिनाले जानकारी दिए।
पूर्वबाट पश्चिमतर्फ जाँदै गरेको प्रदेश १–०२–००२ ख ०४१४ नं को ट्रकले गाँजा लैजाँदै गरेको सूचना पाएर प्रहरीले ट्रक रोक्न खोज्दा चालक ट्रक नै छाडेर भागेका थिए। यस विषयमा थप अनुसन्धान भइरहेको प्रहरीले जनाएको छ।
