रंगेली । सोमबारदेखि तेस्रो बबिया बिर्ता महोत्सव सुरु हुने भएको छ । रंगेली नगरपालिका–१ स्थित बिर्तामा तेस्रो बबियाबिर्ता महोत्सव हुने भएको हो । पुस १५ गते सोमबारदेखि माघ १ गते सम्म उक्त महोत्सव सञ्चालन हुनेछ ।
दोहमाना संघर्ष युवा क्लब, रंगेली नगरपालिका वडा १ ,२ र ९ को आयोजनामा हुने महोत्सवको मुख्य प्रायोजकको रुपमा गिरी फाउन्डेसन रहेको छ । महोत्सवको प्रमुख अतिथि रंगेली नगरपालिका नगरप्रमुख दिलिप बगडीया रहनेछन् ।
१५ दिन सम्म चल्ने उक्त महोत्सवमा राष्ट्रिय स्तरका ख्याती प्राप्त कलाकारहरुको अभिनय, राष्ट्रिय स्तरको कुस्ती खेलाडीको प्रदर्शन रहनुका साथै कोशी प्रदेशकै उत्कृष्ट डान्स क्लब कलाकारहरुको जोरदार प्रस्तुति रहनेछ ।
मेलामा विभिन्न प्रकारका खाद्य र व्यापारिक स्टलहरु रहने छन् भने मनोरञ्जनका लागि रोटेपिङ, नौका रेन्ज, ड्रयागन रेलका साथै अन्य धेरै खेल उद्यानहरुको व्यवस्था रहेको आयोजक समितिले जानकारी दिएको छ।
व्यापारलाई सृढिढ गर्न र युवाहरुलाई रोजगारीको अवसर प्रदान गर्ने तथा मनोरजनको उदेश्यले आयोजित सो महोत्सवमा २९ लाख अनुमानित खर्च भएको आयोजक समितिका अध्यक्ष गणेश राजवंशीले बताए ।
यो महोत्सबले बिबिया बिर्तालाइ पहिचान दिने अपेक्षा गरिएको छ र ववियाविर्ताको गौरवको विषय रहेको जनाइएको छ । महोत्सव करिब १ लाख भन्दा बढिले अवलोकन गर्ने अपेक्षा गरिएको अध्यक्ष राजवंशीको भनाई छ ।
