विराटनगर । देशमै नमूना नगरका रुपमा विकास गर्न अग्रसर बनेका रंगेली नगरपालिकाका मेयर दिलिप बगडीया सम्मानित भएका छन् । उनलाई मारवाडी सेवा समिति विराटनगरले सहिद गोबिन्दराम अग्रवाल राजनैतिक सम्मानबाट शुक्रबार सम्मान गरेको हो ।
शुक्रबार आयोजित होली प्रीति तथा सास्कृतिक कार्यक्रममा रगेली नगरको समग्र विकास र समृद्धिका लागि जात, धर्मसंस्कृती एवम् परिवार भन्दा माथी उठेर गरेको उत्कृष्ट कामका लागि मेयर बगडीयालाई सम्मान गरिएको हो ।
सहिद गोबिन्दराम अग्रवाल २०४६ सालको जनआन्दोलनमा धरानमा शाहदात प्राप्त सहिद हुन् । राजनैतिक आन्दोलनमा शाहदात प्राप्त गरेका अग्रवालको नाममा उक्त सम्मान तथा पुरस्कार स्थापना गरिएको हो ।
मारवाडी समुदायबाट माथी उठेर राजनैतिक क्षेत्रमा गरेको उत्कृष्ट कामका लागि मेयर बगडीयालाई गरेको सम्मानले रंगेलीवासी गौरवान्भित भएका छन् । हाल दोस्रो कार्यकाल सम्हालिरहेका मेयर बगडीया व्यवसायीक पृष्ठभूमीका भएपनि रंगेलीको चौतर्फी विकासमा निरन्तर लागि परेका छन् । उनको नेतृत्वमा रंगेली देशमै उदाहरणीय नगरपालिका बनेको छ ।
