विराटनगर, २८ मंसिर । सामाजिक कार्यमा अग्रसर रोटरी क्लब अफ विराटनगर डाउन टाउनले विराटनगरस्थित मानव सेवा आश्रमलाई खाद्यान्न हस्तान्तरण गरेको छ।
क्लबले एक कार्यक्रमकाबीच पाँचौ पटक मानव सेवा आश्रम र सो आश्रमका दुई वटा शाखामा आश्रित २ सय जनाका लागि १ महिना पुग्ने खाद्यान्न हस्तान्तरण गरेको हो ।
क्लबले आश्रमलाई ४०० केजी चामल, १०० केजी दाल, ५ किलो घ्यू, १०० केजी चिउरा, ४० केजी भूजा र ५० केजी चिनी क्लबकी सदस्य उमा राठी र जनसम्पर्क अधिकारी मञ्जु अग्रवालको सहयोगमा वितरण गरेको हो ।
सो अवसरमा रोटरी क्लब अफ विराटनगर डाउन टाउनकी अध्यक्ष संचिता जैन, सचिव अनिता सारडा, सर्भिस कमिटी चेयर गिरिजा सारडा, रोटरियन किरण कर्ण लगायत क्लबकासदस्यहरुको उपस्थिती रहेको थियो ।
