रतुवामाई । रतुवामाईमा एमालेको पक्षमा जनलहर उर्लेको छ । चुनावी अभियान अन्तर्गत घरदैलो कार्यक्रममा एमालेको पक्षमा उर्लिएको जनलहरले रतुवामाईमा एमाले धेरै बलियो देखिएको नेताहरूले दावी गरेका छन् ।
बैशाख ३० गते हुने स्थानीय निर्वाचनमा नेकपा एमाललेको तर्फबाट रतुवामाई नगपालिकाको मेयरका प्रत्यासि दुर्गा बिष्टले जनताको सेवक भएर काम गर्ने प्रतिवद्धता व्यक्त गरेका छन् ।
नेकपा एमाले वडा नम्बर ८ कमिटीद्वारा आयोजित उम्मेदवार परिचय एवम् वृहत आमसभामा बोल्दै उनले सुशासनयुक्त छिटो छरितो सेवा प्रवाह पहिलो प्राथमिकतामा रहने विश्वास व्यक्त गरे ।
उपमेयरका उम्मेदवार दयन्ता चुडालले नगरले पाँच वर्षको अवधिमा विकास, न्याय र सुशासनका साथै विकास निर्माणमा जोड दिंदै आएको बताइन् । खानेपानी, सडक, शिक्षा, स्वास्थ्य, कृषि र पर्यटनको क्षेत्रमा महत्वपूर्ण भूमिका निर्वाह गरेको बताउँदै उनले सम्पन्न भएको कार्यको निरन्तरता र अधुरा योजना सम्पन्न गर्नका लागि पार्टीले आफूलाई पुन उपमेयरको रुपमा अघि बढाएको स्पष्ट पारिन् ।
नेकपा एमाले मोरङ जिल्ला कमिटी सचिवालय सदस्य मेघराज शर्मा कट्टेलले नगरको स्वाधिनता र आर्थिक समृद्धिका लागि सूर्यध्वजावाहक उम्मेदवारलाई विजय गराउनु पर्ने आवश्यकता रहेको बताए ।
रतुवामाई ८ का वडाअध्यक्षका उम्मेदवार मानबहादुर लिम्बूले निर्वाचन प्रतिवद्धता पत्रका आधारमा विकास निर्माणका कामलाई अघि बढाउने प्रतिवद्धता व्यक्त गर्दै भ्रष्टाचार मुक्त वडा बनाउने विश्वास व्यक्त गरे । उनले ८ नम्बरमा एमालेको पक्षमा जनलहर देखिएको भन्दै यसपटक पनि वडा नं. ८ मा एमालेकै नेतृत्व आउने दाबी गरे ।
