विराटनगर, १४ असोज । विगतका वर्षहरुझैँ यसवर्षपनि मोरङको रंगेलीस्थित संसारीमाई मन्दिरमा भोली प्रदेशस्तरीय फूलपाती वढाई हुने भएको छ । पूर्वको प्रशिद्ध शक्तिपिठको रुपमा रहेको सो मन्दिरमा आगामी असोज १६ गते विहान साढे ९ वजे प्रदेश १ कै मुल मन्दिरका रुपमा प्रदेशस्तरीय फूलपाती वढाइ हुनेछ ।
सो क्रममा गाजा–वाजा नेपाली सेना, नेपाल प्रहरी, सशस्त्र प्रहरी तथा हजारौँको संख्यामा सर्वसाधारण सहितको कलशयात्रा र मन्दिर परिसरवाट निस्कने झाँकीले तिन किलोमिटर दुरी तय गर्दै रंगेली वडा नम्बर–६ स्थित स्कुलटोलमा रहेको वेलको रुखमा पुगेर त्यहाँ विधिपूर्वक पुजाआजा गर्ने र पुनः मन्दिरमा आएर फुलपाती भित्र्याउने कार्यक्रम रहेको मन्दिर व्यवस्थापन समितिका अध्यक्ष सन्जीव श्रेष्ठले जानकारी दिए ।
फुलपातिको दिन सो मन्दिरमा नेपाली सेना, नेपाल प्रहरी र सशस्त्र प्रहरीले प्रहरीले सलामी चढाउने गर्दछन । प्रदेश १ का मुख्यमन्त्री राजेन्द्र राईको प्रमुख आतीथ्यमा हुने सो फूलपाती बढाई कार्यक्रममा प्रदेशका मन्त्रीहरु, राज्यमन्त्री, प्रदेश सरकारका सचिव, विभिन्न राजनितिकदलका प्रदेश तथा केन्द्र सरकारका सासंद तथा दलका प्रतिनिधि, रंगेली नगरपालिकाका मेयर दिलिप बगडीया, उपमेयरभूमा पराजुली, वडाध्यक्षसहितका जनप्रतिनिधिहरु लगायत सर्वसाधारणको उल्लेख्य सहभागिता रहने जनाइएको छ ।
विराटनगरदेखी २० किलोमिटर पुर्व चिसाङ खोलाको किनारमा रहेको सो ऐतिहासिक मन्दिरमा नवरात्रीको अवसरमा घटस्थपानादेखिनै सन्ध्याकालिन पुजा–आजा र भजन किर्तनका कार्यक्रमहरु भइरहेका छन ।
मनोकामना पुराहुने विश्वास गरिने सो मन्दिरमा पुजा–आजा र वलि चढाउन नेपालका मात्र नभएर भारतवाट समेत उल्लेख्य रुपमा भक्तजन आउने गदर्छन । मन्दिरप्रतीको भक्तजनको आस्था एवम् विश्वास देखेर तीन वर्ष अघि तत्कालिन मुख्यमन्त्री शेरधन राई नेतृत्वको प्रदेश सरकारले प्रत्येक वर्ष फुलपातीकासो मन्दिरमा प्रदेशस्तरीय फूलपाती वढाईगर्ने निर्णय गरेको थियो ।
सो निर्णय हुनुअघि मन्दीर व्यवस्थापन समिति र स्थानीय वासिन्दाहरुको सहयोगमा प्रत्येकवर्ष फुलपातीका दिन विभिन्न कार्यक्रमहरु हुने गरेका थिए ।
मन्दिरको प्रसिद्ध र सर्वसाधारणको आस्थालाई महत्वदिंदै प्रदेश सरकारले सो मन्दिरमा प्रदेश स्तरीय फूलपाती वढाइको मान्यता दिएको हो । प्रदेश स्तरीय फूलपाती बढाई कार्यक्रमका लागि सम्पूर्ण तयारी पुरा भएको मन्दिर व्यवस्थापन समितिका अध्यक्ष श्रेष्ठले बताए ।
फूतपाती बढाई कार्यक्रमलाई भव्यरुपमा सम्पन्न गर्नका लागि सम्पूर्ण भक्तजनहरुलाई सहभागी हुन मन्दिर व्यवस्थापन समितिले आग्रह गरेको छ ।
