विराटनगर । रोटरी क्लब अफ विराटनगर डाउनटाउनले वृक्षारोपण गरेको छ । आइतबार इक्राहीस्थित म्याजिक चप्पल उद्योग अगाडी विभिन्न जातको विरुवाहरु रोपिएको हो ।
आँप, अम्बक, अमला, जामुन, बेल जस्ता १०० वटा फलफूल, अशोक र नीमका विरुवाहरू रोपिएको हो । वातावरण संरक्षणका लागि क्लबको पहिलो प्रोजेक्टका रुपमा आफूहरुले वृक्षारोपण गरिएको राटरी क्लब अफ विराटनगर डाउनटाउन वर्ष २०२४–२५ की अध्यक्ष मञ्जु अग्रवालले जानकारी दिइन् ।
वृक्षारोपण कार्यक्रममा क्लबका पदाधिकारी र सदस्यहरुसहित १८ जनाको उपस्थिती रहेको थियो । रोटरी क्लब अफ विराटनगरले निरन्तर विभिन्न सामाजिक कार्यहरु गर्दै आएको छ ।
