विराटनगर । रोटरी क्लब अफ विराटनगर डाउनटाउनको आयोजनामा जहदा गाउँपालिका–१ स्थित जनता बाल आधारभूत विद्यालयमा बालबालिकाहरुका लागि निःशुल्क स्वास्थ्य शिविर सम्पन्न भएको छ ।
रोटरी क्लब अफ विराटनगर डाउनटाउनले विगत ८ वर्षदेखि निरन्तर सहयोग गर्दै आएको सो विद्यालयमा बाल रोग विशेषज्ञहरुको टोलीले विद्यार्थीहरुको स्वास्थ्य परिक्षण गरेको हो ।
विराटनगर नर्सिङ होम प्रा.लि.को प्राविधिक सहयोगमा ८ जना बाल रोग तथा नवजात शिशुरोग विशेषज्ञसहितको टोलीले स्वास्थ्य परिक्षण गरेको हो । शिविरमा बाल तथा नवजात शिशु रोग विशेषज्ञ डा. दीपराज अधिकारी, डाइटिशियन–ओम प्रकाश शाह, मेडिकल अधिकृत डा. श्रद्धा, डा. ऋषिकेश, विराट इन्टरनेशनल डायग्नोस्टिकका सहायक निर्देशक रचित तापडीया।, प्यारामेडिकल स्टाफ, मार्केटिङ म्यानेजर अनिल मण्डल, मार्केटिङ अफिसर ऋषि सुवेदीलगायतको टोलीले विद्यार्थी र बालबालिकाहरुको स्वास्थ्य परिक्षण गरेको थियो । शिविरबाट ३५० जना बालबालिकाहरु लाभान्वित भएको रोटरी क्लब अफ विराटनगर डाउनटाउनकी प्रेसिडेन्ट मञ्जु अग्रवालले जानकारी दिएन् ।
सो अबसरमा बालबालिकाहरुलाई स्वास्थ्य सम्वन्धी सचेतनामूलक कार्यक्रम समेत गरिएको थियो । डाएटिशियन डा. ओमप्रकाश शाहको नेतृत्वमा बालबालिकालाई आफ्नो स्वस्थ बृद्धिका लागि कस्तो प्रकारको आहार पालना गर्नुपर्छ भन्ने जानकारी दिँदै सचेतना कार्यक्रम सञ्चालन गरिएको थियो ।
उनीहरुलाई रोटरी क्लब र विराट नर्सिङ होमको छाप लगाइएको प्रिस्क्रिप्शन समेत उपलब्ध गराइएको थियो । यस प्रिस्क्रिप्शनको मद्दतले उनीहरूले छुट दरमा उपचार सेवा लिन सक्नेछन् ।
कार्यक्रममा रोटरी क्लब अफ विराटनगर डाउनटाउनका पदाधिकारी एवम् सदस्यहरु र विद्यालयका प्रधानाध्यापक वीरेन्द्र प्रसाद मण्डलको उपस्थिीती रहेको क्लबकी अध्यक्ष मञ्जु अग्रवालले बताइन् ।
