विराटनगर । विराटनगरमा अनलाइन एप्स मार्फत जुवा खेलाएको आरोपमा दाजुभाईलाई प्रहरीले पक्राउ गरेको छ । पक्राउ पर्नेमा विराटनगर–१२ का २० वर्षीय उत्सव अर्याल र १८ वर्षीय उत्कृष्ट अर्याल रहेका छन् ।
उनीहरुलाई विशेष सूचनाको आधारमा जिल्ला प्रहरी कार्यालय मोरङबाट खटिएको प्रहरीको टोलीले पक्राउ गरेको हो । उनीहरुले एन्ड्रोइड मोवाइल सेटमा वान एक्स बेट लगायतका एप्स डाउनलोड गरी आटलाइन मार्फत जुवा खेलाएको र डिजिटल खाताहरुसमेतबाट सट्टेबाजी लिनेदिने गरेको मोरङ प्रहरीका प्रवक्ता ज्ञानेन्द्र बहादुर बस्नेतले जानकारी दिए ।
प्रहरीले उनीहरुको कोठाबाट एक थान कम्प्युटर, दुई थान राउटर र दुई थान मोवाइलसमेत बरामद गरेको छ ।
