मोरङ, फागुन १२ – नेकपा (एमाले) को १०औं मोरङ्ग जिल्ला अधिवेशनका लागि रंगेली नगरपालिकामा सर्वसम्मत रूपमा प्रतिनिधि चयन गरिएको छ।
शनिबार सम्पन्न नगरका वडा कमिटीहरूको बैठकले महाधिवेशन प्रतिनिधिहरू सर्वसम्मत रूपमा चयन गरेको हो। चयन भएका प्रतिनिधिहरूले पार्टीको आगामी फाल्नुन १७, १८ र १९ गते हुने जिल्ला अधिवेशनमा नीति निर्माण तथा नेतृत्व चयन प्रक्रियामा महत्वपूर्ण भूमिका खेल्नेछन्।
नगर कमिटीका अनुसार, सर्वसम्मत चयन प्रक्रियाले पार्टीमा आन्तरिक एकता र सहकार्यको सन्देश दिएको छ। यसले आगामी महाधिवेशनलाई सफल बनाउन टेवा पुर्याउने विश्वास व्यक्त गरिएको छ।
पार्टीका स्थानीय नेताहरूले महाधिवेशनको तयारी तीव्र पारिएको जनाउँदै प्रतिनिधि चयन प्रक्रियाले सिंगो संगठनलाई थप सशक्त बनाउने बताएका छन्। नेकपा (एमाले) को १०औं जिल्ला अधिवेशन आगामी दिनमा सम्पन्न हुने तय भएको छ।
