विराटनगर । भूमी समस्या समाधान आयोग मोरङका पदाधिकारीहरुले जिम्मेवारी सम्हालेसँगै काम द्रुत गतिमा अघि बढेको छ । आयोग मोरङका अध्यक्ष नविन पौडेल, सदस्यहरु विजय डाँगी र गणेश कुमार खड्का नियुक्त भएर आएसँगै काम तिब्र गतिमा अघि बढेको हो ।
यतिबेला आयोगले गर्ने काम, हालसम्म भएको प्रगति र अवस्थाको बारेमा भूमी समस्या समाधान आयोग मोरङले १७ वटै पालिकामा अभिमुखिकरण कार्यक्रम गरिरहेको छ । आइतबार आयोगले रंगेली नगरपालिकामा अभिमखिकरण गरेको छ ।
रंगेली नगरपालिकाका नगर प्रमुख दिलिप बगडीयाको प्रमुख आतिथ्यतामा भएको अभिमुखिकरण कार्यक्रममा उपप्रमुख भूमा पराजुली, प्रमुख प्रशासकीय अधिकृत प्रदिप साह, नेपाली कांग्रेस मोरङका सचिव मोदराज घिमिरे, आयोगका सदस्य गणेश कुमार खड्का, रंगेलीका सवै वडाका वडाध्यक्षहरु, कार्यपालिका सदस्यहरु, वडा सचिवहरु, सवै राजनीतिक दलका प्रमुख तथा प्रतिनिधिहरुको उपस्थिती रहेको थियो ।
सो अबसरमा बोल्दै नगर प्रमुख बगडीयाले आयोगको काम गर्न सवै हिसाबले रंगेली नगरपालिका सहयोग गर्न प्रतिवद्ध रहेको बताउनुभयो । उहाँले रंगेली नगरपालिकाले जनताको सो यो काम उच्च प्रथामिकतामा राखेको बताउँदै आयोगलाई रंगेली नगरपालिकाको पूर्ण साथ र सहयोग रहने बताउनुभयो ।
कार्यक्रममा आयोगका अध्यक्ष पौडेलले हाल सवै पालिकामा आयोगले गर्ने कामका बारेमा अभिमुखिकरण गरिरहेको र हालसम्म १४ वटा पालिकामा सम्पन्न भएको जानकारी दिनुभयो । उहाँले चैत महिना भित्रमा सवै पालिकामा अभिमुखिकरण कार्यक्रम सम्पन्न गरेर दु्रत गतिमा काम अघि बढाउने बताउनुभयो । उहाँले अब जिल्ला स्तरीय भेला समेत गरिने बताउनुभयो ।
अध्यक्ष पौडेलले एक पटकका लागि नयाँ निवेदन पनि लिइने जानकारी दिनुभयो । उहाँले अब एक चरण सवै पालिकाको अवस्था वुझेर आयोगले जिल्ला भरी रणनीतिक रुपमा कामको योजना बनाउने समेत बताउनुभयो ।
उसो त यस अघिको आयोगले अव्यवस्थितहरुको लालपूर्जा बनाए पनि अत्याधिक राजश्व भएका कारण सम्वन्धीतले लिन अनिच्छा देखाएका छन् । सेवाग्राहीले राजश्व घटाउनुपर्छ भन्ने माग गर्दै आएका छन् । राजश्व नघटेसम्म लालपूर्जा लान नसक्ने उनीहरुले अडान लिँदै आएको बताइएको छ ।
