विराटनगर, १७ भदौ । रोटरी क्लब अफ विराटनगर डाउनटाउनले विराटनगर खार्जी स्थित ज्योती आधारभूत विद्यालयमा चित्रकला प्रतियोगिता आयोजना गरेको छ ।
शुक्रबार क्लबले सो विद्यालयमा अध्ययनरत विद्यार्थीहरुका लागि खेलकुद, चित्रकला तथा हस्तलेखन प्रतियोगिता आयोजना गरेको हो ।
विद्यार्थीहरुमा रहेको प्रतिभा प्रस्फुटन गर्ने उद्देश्यले प्रतियोगिता आयोजना गरिएको रोटरी क्लब अफ विराटनगर डाउनटाउनकी अध्यक्ष रेखा राठीले जानकारी दिइन् ।
क्लबले पहिलोपटक आयोजना गरेको प्रतियोगितबाट विद्यार्थीहरु हर्षित भएका थिए । उनीहरुले अध्ययनसँगै अतिरिक्त कृयाकलापमा भाग लिन पाएपछि निकै खुखि भएको र क्लबलाई धन्यवाद ज्ञापन गरेका र क्लबकी सचिव नमिता टिवडेवालले बताइन् ।
विद्यालयका अनुसार सो विद्यालयमा यसअघि कहिल्यै पनि यस्ता प्रतियोगिता आयोजना गरिएको थिएन । प्रतियोगितामा बालबालिकाले खुसीसाथ भाग लिनुका साथै धेरै रमाइलो गरेका थिए ।
प्रतियोगितामा ३५ जना विद्यार्थीहरुको सहभागीता रहेको क्लबले जनाएको छ । सो अबसरमा क्लबका पदाधिकारी र सदस्यहरु, कोअर्डीनेटर अर्चना शर्मा, सेवा परियोजना प्रमुख सन्तोष तोदी, विद्यालयका शिक्षक, अभिवावक र विद्यार्थीको सहभागिता रहेको थियो ।
